అక్షరటుడే, నిజామాబాద్ సిటీ: Medical College Workers | మెడికల్ కళాశాలలో పనిచేస్తున్న కార్మికుల సమస్యలు పరిష్కరించాలని ఏఐటీయూసీ రాష్ట్ర కార్యదర్శి ఓమయ్య, యూనియన్ జిల్లా అధ్యక్షుడు సుధాకర్ డిమాండ్ చేశారు. ఈ మేరకు కళాశాల ఎదుట శనివారం ధర్నా నిర్వహించారు.
Medical College Workers | పనిభారం పెరిగింది..
నిజామాబాద్ మెడికల్ కళాశాలలో గతంలో కంటే ప్రస్తుతం కోర్సులు పెరిగాయని ఓమయ్య తెలిపారు. తద్వారా విద్యార్థుల సంఖ్య కూడా పెరిగిందన్నారు. దీంతో పనిభారం పెరిగిందని.. ప్రస్తుతం పనిచేస్తున్న కార్మికులపై పనిభారం పడుతోందన్నారు. కావున వెంటనే కార్మికుల సంఖ్యను పెంచడంతో పాటు, సుప్రీంకోర్టు (Supreme Court) తీర్పును అనుసరించి కనీస వేతనాల పెంపు, జాతీయ పండుగలకు ఆర్జిత సెలవులు ఇవ్వాలని డిమాండ్ చేశారు. నగరంలోని ఉన్న జీజీహెచ్, ఎంసీహెచ్లలో ఐపీ పెరిగినందున వెంటనే 750 పడకలకు పెంచి శానిటేషన్, పేషంట్ కేర్, సెక్యూరిటీ సిబ్బందిని పెంచాలని కోరారు. బోధన్ జిల్లా ఆస్పత్రి, జిల్లాలోని వివిధ ప్రభుత్వ ఆస్పత్రుల్లో కార్మికుల సంఖ్యను పెంచడంతోపాటు, వేతనాలు పెంచాలని డిమాండ్ చేశారు. ధర్నాలో ఏఐటీయూసీ జిల్లా ప్రధాన కార్యదర్శి పిన్నెల హన్మాండ్లు, ఏఐటీయూసీ జిల్లా కోశాధికారి ఫిరోజ్, నాయకులు కవిత, స్వప్న, స్వరూప, వెంకటేష్, వంశీ, సాయి తదితరులు పాల్గొన్నారు.
ఇది కూడా చదవండి..: Guru Paduka Shobhayatra | కామారెడ్డిలో భక్తిశ్రద్ధలతో గురుపాదుకల శోభాయాత్ర
