అక్షరటుడే, వెబ్డెస్క్: IAS Transfers | రాష్ట్ర ప్రభుత్వం (State Government) పలువురు ఐఏఎస్ అధికారులను బదిలీ చేసింది. ఈ మేరకు ప్రభుత్వ ప్రధాన కార్యదర్శి సంజయ్ జాజు బుధవారం ఉత్తర్వులు జారీ చేశారు.
ప్రస్తుతం హెచ్ఎండీఏ స్పెషల్ చీఫ్ సెక్రటరీగా ఉన్న జయేష్ రంజన్‌ను పర్యావరణం, అటవీ, శాస్త్ర సాంకేతిక శాఖల స్పెషల్ చీఫ్ సెక్రెటరీగా బదిలీ చేశారు. అదనంగా, EPTRI డైరెక్టర్ జనరల్ బాధ్యతలను అప్పగించారు. శైలజా రామయ్యర్ను ఈ బాధ్యతల నుంచి తప్పించారు. 1992 బ్యాచ్కు చెందిన వికాస్ రాజ్ను రోడ్లు భవనాల శాఖ ప్రత్యేక కార్యదర్శి నుంచి ఇంధన శాఖ స్పెషల్ చీఫ్ సెక్రెటరీగా బదిలీ చేశారు. నవీన్ మిట్టల్‌ను ఈ బాధ్యతల నుంచి తప్పించి రవాణా, రోడ్లు భవనాలు, రెవెన్యూ శాఖల స్పెషల్ చీఫ్ సెక్రెటరీగా నియమించారు.
IAS Transfers | క్రీడా శాఖ డైరెక్టర్గా అవని ప్రసాద్
అవని ప్రసాద్‌ను క్రీడలు, క్రీడా శాఖ డైరెక్టర్, తెలంగాణ క్రీడా ప్రాధికార సంస్థ డైరెక్టర్ జనరల్ బాధ్యతలను అప్పగించారు. దేవాదాయ శాఖ ప్రిన్సిపల్ సెక్రెటరీగా శైలజా రామయ్యర్ను ట్రాన్స్ఫర్ చేశారు. 2000 బ్యాచ్కు చెందిన రాహుల్ బొజ్జాకు గిరిజన సంక్షేమ శాఖ ప్రిన్సిపల్ సెక్రెటరీ అదనపు బాధ్యతలు అప్పగించారు. సబ్యసాచి ఘోష్‌ను గిరిజన సంక్షేమ శాఖ బాధ్యతల నుంచి రిలీవ్ చేశారు. రవాణా, రోడ్లు భవనాల శాఖ కార్యదర్శిగా కె ఇలంబర్తి బదిలీ అయ్యారు. ఆయనకు అదనంగా రవాణా కమిషనర్ బాధ్యతలను అప్పగించారు.
IAS Transfers | జీహెచ్ఎంసీ ప్రత్యేకాధికారిగా..
హెచ్ఎండీఎ మెట్రోపాలిటన్ కమిషనర్‌గా సర్ఫరాజ్ అహ్మద్కు అడిషనల్ ఛార్జ్ ఇచ్చారు. అంతేగాకుండా జీహెచ్ఎంసీ, మల్కాజిగిరి మున్సిపల్ కార్పొరేషన్ ప్రత్యేక అధికారిగా ఆయన బాధ్యతలు నిర్వహిస్తారు. మహిళా, శిశు సంక్షేమ శాఖ స్పెషల్ సెక్రెటరీగా శృతి ఓజా, వైద్య, ఆరోగ్య, కుటుంబ సంక్షేమ శాఖ డైరెక్టర్గా మహమ్మద్ ముషరఫ్ అలీ ఫరూఖీని బదిలీ చేస్తూ ప్రభుత్వం ఉత్తర్వులు జారీ చేసింది. మహిళా, శిశు సంక్షేమ శాఖ డైరెక్టర్గా సంగీత సత్యనారాయణను బదిలీ చేశారు. జితేశ్ వి పాటిల్ఖు TGREDCO వైస్ ఛైర్మన్, మేనేజింగ్ డైరెక్టర్ బాధ్యతలను అదనంగా అప్పగించారు.
ఇది కూడా చదవండి..: Arnab Cyclone | అర్నబ్ తుపాన్ బీభత్సం
