అక్షరటుడే, వెబ్డెస్క్: Adibatla Fire Accident | రంగారెడ్డి జిల్లా (Ranga Reddy District) ఆదిభట్ల పరిధిలోని గౌర ఏరోస్పేస్ టెక్నాలజీలో షార్ట్ సర్క్యూట్తో మంటలు చెలరేగాయి. ఫైర్ సిబ్బంది మంటలను అదుపు చేశాయి.
నాదర్గుల్ దగ్గర ఉన్న గౌర ఏరోస్పేస్ టెక్నాలజీ యూనిట్లో బుధవారం రాత్రి మంటలు చెలరేగాయి. యంత్రాలను ఆన్ చేస్తుండగా.. షార్ట్ సర్క్యూట్తో ప్రమాదం జరిగినట్లు అధికారులు తెలిపారు. సమాచారం అందుకున్న అగ్ని మాపక సిబ్బంది గంటల పాటు శ్రమించి మంటలను అదుపు చేశారు. ఈ ఘటనలో ఎలాంటి ప్రాణనష్టం జరగలేదు.
Adibatla Fire Accident | ఇటీవల ప్రారంభం
నాదర్గుల్ నుంచి ఆదిభట్ల మార్గంలో ఈ ఏరో స్పేస్ కంపెనీని ఇటీవలే ప్రారంభించారు. కొన్ని రోజులుగా ఒక షిఫ్ట్లో పనులు చేపడుతున్నారు. బుధవారం రాత్రి రెండో షిఫ్ట్ పనులు చేపట్టడానికి యంత్రాలను ప్రారంభించారు. ఆ సమయంలో షార్ట్ సర్క్యూట్ (Short circuit)తో మంటలు వ్యాపించాయి. వెంటనే ఉద్యోగులను బయటకు పంపడంతో ప్రాణ నష్టం తప్పింది. యూనిట్లోని యంత్రాలు కాలిబూడిద అయ్యాయి. దీంతో భారీగా ఆస్తి నష్టం జరిగింది. పోలీసులు కేసు నమోదు చేసుకొని దర్యాప్తు చేస్తున్నారు.
#Info రంగారెడ్డి జిల్లా ఆదిభట్ల పరిధిలోని నాదర్గుల్ దగ్గర ఉన్న టాటా అడ్వాన్స్డ్ సిస్టమ్స్ – గౌర ఏరోస్పేస్ టెక్నాలజీ యూనిట్లో భారీ అగ్నిప్రమాదం జరిగింది. యంత్రాలను ఆన్ చేస్తుండగా విద్యుత్ షార్ట్ సర్క్యూట్తో మంటలు చెలరేగాయి. అగ్నిమాపక సిబ్బంది మంటలను అదుపు చేశారు. ప్రమాద సమయంలో… pic.twitter.com/7ZqbXE7S0K
— TG Govt Updates (@TGGovtUpdates) July 2, 2026
ఇది కూడా చదవండి..: Telangana Moderate Rain | నేడు మోస్తరు వర్షాలు కురిసే ఛాన్స్
