అక్షరటుడే, బాన్సువాడ: Banswada Hostel | ఇంటర్ విద్యార్థిని ఉరివేసుకుని ఆత్మహత్యకు పాల్పడింది. ఈ విషాద ఘటన బాన్సువాడ(Banswada) పట్టణంలోని ఎస్సీ బాలికల హాస్టల్లో చోటుచేసుకుంది.
Banswada Hostel | డోంగ్లి మండల లక్ష్మాపూర్..
స్థానికులు, పోలీసుల వివరాల ప్రకారం.. డోంగ్లి మండలం లక్ష్మాపూర్ గ్రామానికి చెందిన అమృత (18) బాన్సువాడలోని టీచర్స్ కాలనీలో ఉన్న ఎస్సీ హాస్టల్లో( SC Girls Hostel) ఉంటూ ఇంటర్ ఫస్ట్ ఇయర్ చదువుతోంది. బుధవారం ఆమె కాలేజీకి వెళ్లకుండా హాస్టల్లోనే ఉండిపోయింది. అనంతరం గదిలో ఉరివేసుకుని ఆత్మహత్య చేసుకున్నట్లు హాస్టల్ సిబ్బంది గుర్తించారు. వెంటనే పోలీసులకు సమాచారం అందించగా, డీఎస్పీ విఠల్ రెడ్డి సంఘటన స్థలానికి చేరుకుని పరిశీలించారు. మృతదేహాన్ని పోస్టుమార్టం నిమిత్తం ప్రభుత్వ ఆస్పత్రికి తరలించారు. విద్యార్థిని ఆత్మహత్యకు గల కారణాలు ఇంకా తెలియరాలేదు. కేసు నమోదు చేసి అన్ని కోణాల్లో పోలీసులు దర్యాప్తు చేపట్టారు.
ఇది కూడా చదవండి: నిజామాబాద్ జిల్లాలో దారుణం.. వ్యక్తిని హత్య చేసిన కుటుంబీకులు..
