అక్షరటుడే, వెబ్డెస్క్ : CID Inspector Retirement | నేర పరిశోధన విభాగం (సీఐడీ) లో సేవలు అందించిన ఇన్స్పెక్టర్ ఆంజనేయులు (CID Inspector Anjaneyulu) శుక్రవారం పదవీ విరమణ చేశారు. ఈ నేపథ్యంలో హైదరాబాద్లోని (Hyderabad) సీఐడీ ప్రధాన కార్యాలయంలో ఆయన పదవీ విరమణ మహోత్సవాన్ని ఘనంగా నిర్వహించారు.
CID Inspector Retirement | పోలీస్శాఖలో మచ్చలేని సేవలు..
ఈ సందర్భంగా వీడ్కోలు కార్యక్రమంలో సీఐడీ డీఐజీ పరిమళ హనా నూతన్, హైదరాబాద్ సీఐడీ ఎస్పీ డాక్టర్ నవీన్ కుమార్ (IPS), సీఐడీ అడ్మిన్ ఎస్పీ మద్దిపాటి శ్రీనివాసరావు మాట్లాడుతూ.. విధి నిర్వహణలో నిబద్ధత, సమర్థత, సుదీర్ఘ అనుభవంతో పోలీస్ శాఖలో ఆంజనేయులు తనకంటూ ప్రత్యేక గుర్తింపు తెచ్చుకున్నారని అన్నారు. 42ఏళ్ల పాటు సుదీర్ఘంగా నిష్కళంకంగా సేవలందించడం కత్తి మీద సాములాంటిందని వారు పేర్కొన్నారు. ఈ సందర్భంగా ఆంజనేయులును అధికారులు శాలువా, జ్ఞాపికలతో ఘనంగా సత్కరించి, ఆయన విశిష్ట సేవలను అభినందించారు.
CID Inspector Retirement | నిజామాబాద్ జిల్లాలోనూ విశిష్ట సేవలు..
ఆంజనేయులు విధి నిర్వహణలో భాగంగా నిజామాబాద్ (Nizamabad) జిల్లాలోనూ సేవలందించారు. జిల్లాలో పనిచేసిన సమయంలో ఆయన ఆయా పోలీస్స్టేషన్లలో సీఐగా పనిచేశారు. అనంతరం సీఐడీ విభాగంలోనూ పని చేసి నిక్కచ్చిగా ఉండే అధికారిగా పేరు తెచ్చుకున్నారు.
పలు క్రిమినల్, ఆర్థిక నేరాలకు సంబంధించిన పరిశోధనల్లో చురుగ్గా పాల్గొని సమర్థవంతమైన అధికారిగా గుర్తింపు పొందారు. అనంతరం హైదరాబాద్లోని సీఐడీ కార్యాలయానికి బదిలీపై వెళ్లిన ఆయన అక్కడే పదవీ విరమణ చేశారు. ఈ సందర్భంగా నిజామాబాద్ జిల్లాలోని అధికారులు సైతం ఆంజనేయులుకు పదవీ విరమణ శుభాకాంక్షలు తెలియజేశారు.
CID Inspector Retirement | సహకరించిన ప్రతిఒక్కరికీ కృతజ్ఞతలు..
పదవీ విరమణ వేడుకలో ఆంజనేయులు మాట్లాడుతూ.. పదవీ కాలంలో తనకు సహకరించిన ప్రతి ఒక్కరికి కృతజ్ఞతలు తెలియజేశారు. తన 42 ఏళ్ల సర్వీసులో ప్రజలకు, శాఖకు అంకితభావంతో సేవలు అందించడం ఎంతో సంతృప్తిని ఇచ్చిందని ఆయన ఆనందం వ్యక్తం చేశారు. ఈ కార్యక్రమంలో సీఐడీ కార్యాలయ అధికారులు, సిబ్బంది, ఆయన కుటుంబ సభ్యులు పాల్గొన్నారు.
ఇది కూడా చదవండి: పెరుగుతున్న శ్రీరాంసాగర్ ప్రాజెక్టు నీటిమట్టం
