అక్షరటుడే, కామారెడ్డి: Dasara Home Safety | దసరా పండుగకు సొంతూళ్లకు వెళ్తే.. ఇంటి భద్రతను పక్కాగా పరిశీలించాలని ఎస్పీ రాజేష్ చంద్ర (SP Rajesh Chandra) సూచించారు. ఇంటికి వేసిన తాళం దొంగలకు ఆహ్వానం కాకూడదన్నారు. శనివారం ఆయన ఒక ప్రకటన విడుదల చేశారు.
Dasara Home Safety | ఇంటికి తాళం వేసి వెళ్తే..
సుదూర ప్రాంతాలకు వెళ్లేవారు స్థానిక పోలీసులకు సమాచారం అందించాలని ఎస్పీ కోరారు. ఇంట్లో బంగారు నగలు, నగదు ఉంటే బ్యాంకు లాకర్లలో భద్రపరుచుకోవాలని, ఊరికి వెళ్లే ముందు నమ్మకమైన పొరుగువారికి సమాచారం ఇచ్చి ఇంటిని గమనించాలని కోరాలని సూచించారు. నాణ్యమైన తాళాలు ఏర్పాటు చేసుకోవాలని, సీసీ కెమెరాలు ఏర్పాటు చేసి మొబైల్ ద్వారా పర్యవేక్షించేలా అనుసంధానం చేసుకోవాలని తెలిపారు. ఇంటి లోపల, బయట లైట్లు వెలిగేలా చూసుకోవాలని, వాహనాలను సురక్షిత ప్రదేశంలో పార్కింగ్ చేసి హ్యాండిల్ లాక్తో పాటు వీల్ లాక్ కూడా వేయాలని సూచించారు. ప్రయాణ వివరాలను, ఇంట్లో ఎవరూ లేని విషయాన్ని సామాజిక మాధ్యమాల్లో బహిరంగంగా వెల్లడించకూడదని హెచ్చరించారు. అనుమానాస్పద వ్యక్తులు కనిపిస్తే వెంటనే డయల్ 112కు లేదా స్థానిక పోలీసులకు సమాచారం అందించాలని కోరారు. పండుగను ఆనందంగా జరుపుకుంటూనే భద్రత విషయంలో నిర్లక్ష్యం వహించవద్దని, పోలీసు శాఖ సూచనలు పాటిస్తూ సహకరించాలని జిల్లా ప్రజలకు విజ్ఞప్తి చేశారు.
ఇది కూడా చదవండి: థార్ కార్ల రేసింగ్.. ఒక ప్రాణం బలి!
