అక్షరటుడే, వెబ్డెస్క్ : El Nino Effect | మరికొన్ని రోజుల్లో రాష్ట్రంలోకి నైరుతి రుతుపవనాలు ప్రవేశించనున్నాయి. దీంతో జూన్ తొలివారంలో తొలకరి పలకరించనుంది. అయితే వాతావారణ శాఖ రైతులకు బ్యాడ్ న్యూస్ చెప్పింది.
ఎల్నినో ప్రభావంతో ఈ ఏడాది వర్షాలు తక్కువగా ఉంటాయని అధికారులు తెలిపారు. రాష్ట్రంలో 50 శాతం సాధారణ వర్షాలు, 50 శాతం లోటు వర్షాలు ఉంటాయని పేర్కొన్నారు. ఈ సంవత్సరం వర్షాకాలం 2018 నాటి పరిస్థితులను పోలి ఉంటుందన్నారు. గతేడాది రాష్ట్రంలో రికార్డు స్థాయిలో వర్షాలు కురిశాయి. సాధారణం కంటే అత్యధికంగా వానల పడ్డాయి. అయితే ఈ ఏడాది పరిస్థితులు వేరుగా ఉంటాయని వాతావరణ శాఖ హెచ్చరించింది.
El Nino Effect | నెలవారీ అంచనా
జూన్లో సాధారణ వర్షాలు కురుస్తాయి. జూలై సాధారణం,ఆగస్టు సాధారణం కంటే తక్కువ వర్షాలు పడుతాయని వాతావరణ శాఖ పేర్కొంది. సెప్టెంబర్లో సైతం లోటు వర్షపాతం నమోదు అయ్యే అవకాశం ఉంది. గత 5-6 ఏళ్లతో పోలిస్తే, ఈ సంవత్సరం రుతుపవన వర్షాలు తక్కువగానే ఉంటాయి. దక్షిణ, ఉత్తర తెలంగాణ (Telangana) జిల్లాలపై ‘లోటు వర్షాల’ ప్రభావం తీవ్రంగా ఉంటుంది, మధ్య తెలంగాణ జిల్లాల్లో మాత్రం సాధారణ వర్షాలు కురుస్తాయి. ఈ మేరకు రైతులు పంటల సాగుకు ప్రణాళికలు రూపొందించుకోవాలని అధికారులు సూచించారు.
హైదరాబాద్ నగరంలో ఈ ఏడాది సాధారణ స్థాయి నుండి స్వల్ప లోటు వర్షాలు కురుస్తాయని అంచనా. ఈ ఏడాది రుతుపవనాలు జూన్ రెండవ వారంలో తెలంగాణలోకి వస్తాయి.
ఇది కూడా చదవండి..: NMMS App Issues | గుండును గుర్తించని యాప్.. ఉపాధి కూలీల ‘యాప్’ కష్టాలు
