అక్షరటుడే, నిజామాబాద్ క్రైం: Fogging Mist Machines | వేసవికాలంలో ట్రాఫిక్ సిబ్బంది కోసం ఐల్యాండ్ వద్ద ఫాగింగ్ మిస్ట్ యంత్రాలు(mist system) ఏర్పాటు చేయించినట్లు సీపీ సాయిచైతన్య (cp sai chaitanya) పేర్కొన్నారు. ఈ మేరకు నగరంలో యంత్రాలను ఆయన గురువారం ప్రారంభించారు.
Fogging Mist Machines | ఎండ తీవ్రత తగ్గించడానికి..
వేసవికాలంలో ట్రాఫిక్ సిబ్బంది ఇబ్బందులను దృష్టిలో పెట్టుకొని నగరంలో పలు కూడళ్ల వద్ద ఎండ తీవ్రతను తగ్గించడానికి ఫాగింగ్ మిస్ట్ యంత్రాలను ఏర్పాటు చేయించినట్లు సీపీ తెలిపారు. కోర్ట్ సర్కిల్(Nizamabad Court) వద్ద ఏర్పాటు చేసిన మిస్ట్ను ప్రారంభించిన అనంతరం యంత్రం పనితీరును ఆయన సిబ్బందిని అడిగి తెలుసుకున్నారు. అనంతరం కమిషనర్ మాట్లాడుతూ మిస్ట్ యంత్రాల ద్వారా సుమారుగా మూడు నుంచి నాలుగు డిగ్రీల వరకు ఉష్ణోగ్రతను తగ్గించుకోవచ్చన్నారు. తద్వారా వేసవి నుంచి కాస్త ఉపశమనం లభిస్తుందని తెలిపారు. అదేవిధంగా ట్రాఫిక్ సిబ్బందికి ఆరోగ్య రీత్యా ఎదురయ్యే ఇబ్బందులకు రాబోయే రోజుల్లో తగుచర్యలు తీసుకుంటామన్నారు. మిస్ట్ యంత్రాలను ఏర్పాటు చేయడానికి సహకరించిన వాసవి క్లబ్(Vasavi Club) వారికి ధన్యవాదాలు తెలిపారు. ఈ కార్యక్రమంలో ట్రాఫిక్ ఇన్స్పెక్టర్ ప్రసాద్, అశోక్ సిబ్బంది అనిల్, రహీం, నరేష్ షాకీర్, గాంధీ, శంకర్ పాల్గొన్నారు.
ఇది కూడా చదవండి: Traffic Restrictions Telangana| కాన్వాయ్ కోసం ట్రాఫిక్ ఆపొద్దు.. డీజీపీకి రేవంత్ రెడ్డి కీలక ఆదేశం!
