అక్షరటుడే, ఇందూరు: Ganapati Celebrations | సాంప్రదాయబద్ధంగా గణపతి ఉత్సవాలు నిర్వహించాలని అర్బన్ ఎమ్మెల్యే ధన్పాల్ (MLA Dhanpal) సూర్యనారాయణ తెలిపారు. శ్రీ ధన్పాల్ లక్ష్మీ బాయి విఠల్ గుప్తా చారిటబుల్ ట్రస్ట్ ఆధ్వర్యంలో రెండో రోజు శనివారం నగరంలోని మార్వాడిగల్లీలో ఉన్న కార్యాలయంలో వినాయక ఉత్సవ నిర్వాహకులకు చందాలను రాశారు.
Ganapati Celebrations | ప్రతి ఏడాది ట్రస్ట్ ఆధ్వర్యంలో సహకారం
ఎమ్మెల్యే మాట్లాడుతూ…ప్రతి ఏడాది తమ ట్రస్టు ద్వారా గణేశ్ మండపాలకు సహకారం అందిస్తామని తెలిపారు. గత ఏడాది 725 మండపాలకు అందించినట్లు పేర్కొన్నారు. భగవంతుడి ఆశీర్వాదంతో ఈ ఏడాది కూడా సుమారు 800 మండపాలకు తన వంతు సహకారం ఉంటుందన్నారు. వినాయకుడు కేవలం ఒక పండుగకు సంబంధించిన దేవుడు కాదని సంస్కృతి సనాతన ధర్మం ఐక్యతకు ప్రతీక అని చెప్పారు. వినాయకుడిని పూజిస్తే విఘ్నాలు తొలగి శుభాలు జరుగుతాయన్నారు. ప్రతి ఒక్కరు తమ మండపాల ముందు బాలగంగాధర్ తిలక్ చిత్రపటాన్ని ఉంచాలని సూచించారు. ఆదివారం సాయంత్రం 5 గంటలకు కిసాన్ షాపింగ్ మాల్ వద్ద మట్టి వినాయకుల పంపిణీ చేస్తామని తెలిపారు.
ఇది కూడా చదవండి..: Kamareddy Power Cuts | కర్షకుల కన్నెర్ర.. కరెంట్ కోతలపై ట్రాన్స్కో ఎస్ఈ ఆఫీస్ ముట్టడి
