అక్షరటుడే,హైదరాబాద్: Kaleshwaram Probe | ముఖ్యమంత్రి రేవంత్ రెడ్డి సారథ్యంలో తెలంగాణ మంత్రివర్గం రేపు సచివాలయంలో సమావేశం కానుంది. ఈ భేటీలో ప్రధానంగా కాళేశ్వరం ప్రాజెక్టు (Kaleshwaram Project)పై జస్టిస్ పీసీ ఘోష్ కమిషన్ సమర్పించిన నివేదిక, దానిపై ఇటీవల హైకోర్టు ఇచ్చిన తీర్పుపై మంత్రులు సుదీర్ఘంగా చర్చించనున్నారు.
Kaleshwaram Probe | విచారణ వేగవంతంపై స్పష్టత:
హైకోర్టు (High Court) తీర్పు నేపథ్యంలో, కాళేశ్వరం ప్రాజెక్టులో జరిగిన అక్రమాలపై ప్రభుత్వం తదుపరి ఏ విధంగా ముందుకు వెళ్లాలనే అంశంపై సీఎం మంత్రులతో సంప్రదింపులు జరుపుతారు. న్యాయపరమైన ఇబ్బందులు లేకుండా విచారణను ఎలా వేగవంతం చేయాలనే దానిపై ఈ భేటీలో స్పష్టత రానుంది.
Kaleshwaram Probe | ప్రజా సమస్యల పరిష్కారం:
కోర్టు సూచనలను పరిగణనలోకి తీసుకుని, విచారణ కమిషన్ పారదర్శకంగా కొనసాగేలా ప్రభుత్వం కీలక నిర్ణయాలు తీసుకోనుంది. పాలనాపరమైన ఇతర అంశాలతో పాటు ప్రజా సమస్యల పరిష్కారంపై కూడా చర్చించే అవకాశం ఉంది.
Kaleshwaram Probe | ఉత్తమ్ కుమార్ కీలక వ్యాఖ్యలు:
మరోవైపు, ఈ పరిణామాలపై మంత్రి ఉత్తమ్ కుమార్ రెడ్డి (Minister Uttam Kumar Reddy) స్పందిస్తూ కీలక వ్యాఖ్యలు చేశారు. విచారణ కమిషన్ నియామకాన్ని హైకోర్టు సమర్థించిందని ఆయన గుర్తు చేశారు. కేవలం సాంకేతిక పరమైన మార్పులను మాత్రమే కోర్టు సూచించిందని, మాజీ ముఖ్యమంత్రి కేసీఆర్ లేదా మాజీ మంత్రి హరీశ్ రావు (Harish Rao)లకు ఎక్కడా ‘క్లీన్ చిట్’ ఇవ్వలేదని ఆయన స్పష్టం చేశారు. విచారణ పారదర్శకంగా సాగి తీరుతుందని, తప్పు చేసిన వారు ఎవరైనా సరే కఠిన చర్యలు తప్పవని ఉత్తమ్ కుమార్ రెడ్డి ధీమా వ్యక్తం చేశారు.
ఇది కూడా చదవండి..: Hyderabad Special Trains | హైదరాబాద్ నుంచి 8 కొత్త వీక్లీ స్పెషల్ ట్రైన్లు
