అక్షరటుడే, కామారెడ్డి: Kamareddy Boy Suicide | ఇంట్లో ఎవరూ లేని సమయంలో పదహారేళ్ల బాలుడు ఉరేసుకుని ఆత్మహత్య చేసుకున్నాడు. ఈ ఘటన కామారెడ్డి (Kamareddy) పట్టణంలో శనివారం రాత్రి చోటుచేసుకుంది.
Kamareddy Boy Suicide | ఉస్మాన్పురాకు చెందిన..
కుటుంబ సభ్యులు, పోలీసులు తెలిపిన వివరాల ప్రకారం.. పట్టణంలోని ఉస్మాన్ పురాకు చెందిన మహమ్మద్ ఇర్ఫాన్ సిద్ధికి, తన భార్య ఇర్ఫానకు కాలు విరగడంతో శనివారం మధ్యాహ్నం కామారెడ్డి ప్రభుత్వ ఆస్పత్రిలో అడ్మిట్ చేశారు. ఈ క్రమంలో ఇంటి వద్ద చిన్న కుమారుడు అబ్దుల్ సమద్ ఒంటరిగా ఉన్నాడు. రాత్రి 8.40 గంటలకు పెద్ద కుమారుడు అబ్దుల్ సలాం ఇంటికి వెళ్లి చూడగా తలుపులు మూసి ఉన్నాయి. తలుపులు తెరిచి లోపలికి వెళ్లి చూడగా బెడ్ రూమ్లో అబ్దుల్ సమద్ ఉరి వేసుకుని ఉన్నాడు.
వెంటనే తల్లిదండ్రులకు సమాచారం ఇవ్వడంతో వారు ఇంటికి చేరుకుని కుమారుడిని ఉరి నుండి దించి కామారెడ్డి ప్రభుత్వ ఆస్పత్రిలో తరలించారు. అక్కడ విధుల్లో ఉన్న వైద్యులు అప్పటికే మృతి చెందినట్లు నిర్ధారించారు. పోలీసులు కేసు నమోదు చేసి దర్యాప్తు చేస్తున్నారు.
ఇది కూడా చదవండి..: Akulakondur Shivaji Statue | అనుమతి లేకుండా ప్రభుత్వ స్థలంలో శివాజీ విగ్రహం ఏర్పాటుకు భూమిపూజ..మాజీ సర్పంచి సహా పలువురిపై కేసు
