అక్షరటుడే వెబ్డెస్క: Karimnagar substation fire | కరీంనగర్ జిల్లాలో భారీ అగ్నిప్రమాదం చోటుచేసుకుంది. జిల్లాలోని దుర్షేడ్ సబ్స్టేషన్లో అకస్మాత్తుగా మంటలు చెలరేగాయి. భారీగా వ్యాపించిన మంటలు తీవ్ర భయాందోళనకు గురిచేశాయి. సబ్స్టేషన్లో ప్రారంభమైన అగ్ని క్షణాల్లోనే వ్యాపించి, ఆ ప్రాంతాన్ని కమ్మేశాయి.
Karimnagar substation fire | రైతుల్లో ఆందోళన..
మంటల తీవ్రత ఎక్కువగా ఉండటంతో పరిస్థితి అదుపులోకి రావడం కష్టంగా మారింది. సమాచారం అందుకున్న అగ్నిమాపక సిబ్బంది వెంటనే ఘటన స్థలానికి చేరుకుని మంటలను ఆర్పేందుకు తీవ్రంగా శ్రమిస్తున్నారు.
అయితే, మంటలు ఇంకా పూర్తిగా అదుపులోకి రాకపోవడంతో స్థానికుల్లో భయాందోళన నెలకొంది. ముఖ్యంగా సబ్స్టేషన్ సమీపంలో పంట పొలాలు ఉండటంతో స్థానిక రైతులు భయపడుతున్నారు. పొలాల వైపు మంటలు వ్యాపిస్తాయేమోనన్న ఆందోళన వ్యక్తమవుతోంది.
అగ్ని ప్రమాదానికి గల కారణాలు ఇంకా తెలియరాలేదు. విద్యుత్తు సరఫరా వ్యవస్థకు నష్టం కలిగే అవకాశముందని భావిస్తున్నారు. పూర్తి వివరాలు తెలియాల్సి ఉంది.
Mamata | ఫలితాలు రాక ముందే సీఎం నివాసం ఖాళీ చేసిన మమతా బెనర్జీ!
