అక్షరటుడే, వెబ్డెస్క్ : Konda Surekha | మంత్రి కొండా సురేఖపై చర్యలకు కాంగ్రెస్ అధిష్టానం సిద్ధం అయినట్లు సమాచారం. ఆమె కూతురు చేసిన వ్యాఖ్యలు సురేఖ మెడకు చుట్టుకునేలా కనిపిస్తున్నాయి. ఈ మేరకు పీసీసీ అధ్యక్షుడు మహేశ్ కుమార్ గౌడ్ (PCC Chief) కీలక వ్యాఖ్యలు చేశారు.
గాంధీ భవన్ (Gandhi Bhavan)లో శనివారం కాంగ్రెస్ క్రమశిక్షణ కమిటీ సమావేశం అయింది. అనంతరం పీసీసీ చీఫ్ మహేశ్ గౌడ్ మీడియా చిట్చాట్లో మాట్లాడారు. మంత్రి కొండా సురేఖ కూతురు కొండా సుష్మిత (Konda Susmitha) లైన్ దాటి ఆరోపణలు చేశారన్నారు. కానీ ఎమ్మెల్యేలు రాజగోపాల్ రెడ్డి, అనిరుద్ రెడ్డి లైన్ దాటలేదని ఆయన పేర్కొన్నారు. పార్టీ లైన్ ఎవరు మాట్లాడినా చర్యలు తప్పవని స్పష్టం చేశారు. కొండా సురేఖను గతంలో కాపాడామని, ఇప్పుడు ఆ అవకాశం లేదన్నారు. ఆమెపై అధిష్టానం సీరియస్గా ఉందన్నారు.
Konda Surekha | ఏకమైన ఎమ్మెల్యేలు
కొండా సురేఖ వ్యవహారం ఆది నుంచి పార్టీకి తలనొప్పిగా మారింది. గతంలో ఆమె కేటీఆర్ గురించి చేసిన వ్యాఖ్యలపై తీవ్ర విమర్శలు వచ్చాయి. అనంతరం సురేఖ భర్త కొండా మురళి పరకాల ఎమ్మెల్యే రేవూరి, స్టేషన్ ఘన్పూర్ ఎమ్మెల్యే కడియం శ్రీహరిపై అనుచిత వ్యాఖ్యలు చేశారు. స్వయంగా కొండా సురేఖ సైతం ఎమ్మెల్యే నాయిని రాజేందర్రెడ్డిపై విమర్శలు చేశారు. దీంతో కొండా ఫ్యామిలీకి వ్యతిరేకంగా ఉమ్మడి వరంగల్ జిల్లా ఎమ్మెల్యేలు ఏకం అయ్యారు.
Konda Surekha | అధిష్టానం సూచనలతో..
విభేదాలు పక్కన పెట్టాలని పార్టీ అధిష్టానం సూచించడంతో కొంతకాలంగా కొండా సురేఖ, మురళి సైలెంట్ అయ్యారు. అయితే ఇటీవల ఆమె కూతురు నేరుగా సీఎం రేవంత్రెడ్డిపై విమర్శలు చేయడంతో పార్టీ సీరియస్గా తీసుకుంది. ఇప్పటికే క్రమశిక్షణ కమిటీ నోటీసులు జారీ చేయగా.. పలువురు ఎమ్మెల్యేలు సమావేశమై సురేఖను మంత్రి పదవి నుంచి తొలగించాలని తీర్మానం చేశారు. ఈ క్రమంలో ఆమెను తొలగించేందుకు చర్యలు తీసుకుంటున్నట్లు సమాచారం.
దీనిని కూడా చదవండి : Cannabis Trafficking | అనుమానం రాకుండా.. వృద్ధులతో గంజాయి రవాణా
