అక్షరటుడే, నిజామాబాద్ సిటీ: Leadership Skills | యువత చిన్ననాటి నుంచే నాయకత్వ లక్షణాలు అలవర్చుకోవాలని సీపీ సాయిచైతన్య(CP Sai Chaithanya) పేర్కొన్నారు. నగరంలోని నాల్గో టౌన్ పోలీస్ స్టేషన్ (Nizamabad Police) పరిధిలోని బోర్గాం (పి) జడ్పీహెచ్ఎస్లో బాల పంచాయతీ కార్యక్రమాన్ని నిర్వహించారు. ఈ కార్యక్రమానికి ముఖ్య అతిథిగా సీపీ హాజరై మాట్లాడారు.
Leadership Skills | బాల పంచాయతీలో..
సీపీ మాట్లాడుతూ బాల పంచాయతీ అనేది ఒక గ్రామంలోని పిల్లలు క్రమం తప్పకుండా కలుసుకుని తమ సమస్యలను పరిష్కరించుకునే వేదిక అని అన్నారు. ఇది పిల్లల పార్లమెంట్లాగా పనిచేస్తుందన్నారు. దీని ద్వారా పిల్లలు బాధ్యత సహకారం, నాయకత్వ లక్షణాలు నేర్చుకుంటారన్నారు. ఈ కార్యక్రమంలో ట్రాఫిక్ ఏసీపీ మస్తాన్ అలీ (Traffic ACP Mastan Ali) స్పెషల్ బ్రాంచ్ ఇన్స్పెక్టర్ శ్రీధర్ రెడ్డి, 4వ టౌన్ ఎస్సై సతీష్కుమార్, ఇన్ఛార్జి హెచ్ఎం అమ్మాజీ, కార్పొరేటర్ నరేష్, డీసీపీవో చైతన్య, ఏహెచ్టీయూ సీఐ సాయినాథ్, ఏహెచ్టీయూ సిబ్బంది, విద్యార్థులు పాల్గొన్నారు.
ఇది కూడా చదవండి: CCTV Surveillance | సీసీ కెమెరాలతో నేరాల నియంత్రణ: సీపీ సాయిచైతన్య
