అక్షరటుడే, నిజామాబాద్ క్రైం: Nizamabad Checkposts Inspection | నిజామాబాద్ పోలీస్ కమిషనరేట్ పరిధిలో ఏర్పాటు చేసిన చెక్పోస్టులను అర్ధరాత్రి సీపీ సాయి చైతన్య (CP Sai Chaitanya) తనిఖీ చేశారు. అక్కడి సిబ్బందితో మాట్లాడి భద్రత వివరాలను తెలుసుకున్నారు.
Nizamabad Checkposts Inspection | బక్రీద్ నేపథ్యంలో..
బక్రీద్ పండుగ (Bakrid Festival) నేపథ్యంలో కమిషనరేట్ పరిధిలో కందకుర్తి, జానకంపేట్, పాల్ద, జన్నపల్లి ప్రాంతాలలో చెక్ పోస్టులను ఏర్పాటు చేశారు. మూగజీవాల అక్రమ రవాణా కట్టడికి ఏర్పాటు చేసిన ఈ చెక్పోస్టులలో సిబ్బంది వాహనాల రాకపోకలను నిరంతరం పర్యవేక్షిస్తున్నారు. ఈ సందర్భంగా గురువారం అర్ధరాత్రి వీటిని తనిఖీ చేసిన సీపీ అక్కడి పోలీస్ అధికారులకు, సిబ్బందికి పలు సూచనలు చేశారు. అనుమానాస్పద వ్యక్తులు, వాహనాల కదలికలపై ప్రత్యేక నిఘా ఉంచాలని, మహారాష్ట్ర సరిహద్దుల నుంచి నిషేధిత పదార్థాలు, నగదు అక్రమ రవాణా, చట్ట విరుద్ధ కార్యకలాపాలపై నిఘా ఉంచాలని ఆయన పేర్కొన్నారు.
Nizamabad Checkposts Inspection | మర్యాదపూర్వకంగా వ్యవహరించాలి..
తనిఖీల సమయంలో వాహనదారులతో మర్యాదపూర్వకంగా వ్యవహరించాలని సీపీ సూచించారు. అనుమానాస్పద వ్యక్తులను వెంటనే అదుపులోకి తీసుకొని పూర్తి వివరాలు రాబట్టాలన్నారు. ప్రతి వాహనాన్ని క్షుణ్ణంగా పరిశీలిస్తూ అవసరమైతే సాంకేతిక పరికరాల సాయంతో తనిఖీలు చేపట్టాలని ఆదేశించారు. చెక్ పోస్ట్ల వద్ద విధులు నిర్వహిస్తున్న సిబ్బంది తమ భద్రత విషయంలో కూడా జాగ్రత్తలు పాటించాలని.. రిఫ్లెక్టర్ జాకెట్టు ధరించాలని సమన్వయంతో పనిచేయాలని పేర్కొన్నారు.
ఇది కూడా చదవండి..: TNGOs District Secretary | టీఎన్జీవోస్ కార్యాలయ కార్యదర్శిగా కుంట శ్రీనివాస్
