అక్షరటుడే, నిజామాబాద్ క్రైం: Nizamabad Police Services | నిజామాబాద్ పోలీస్ కమిషనరేట్ పరిధిలో ప్రజలకు పోలీసుశాఖ తరపున మెరుగైన సేవలందించాలని డీఐజీ నారాయణ నాయక్ (బాసర జోన్–2) అన్నారు. గురువారం నగరంలోని (Nizamabad) 1వ టౌన్ పోలీస్స్టేషన్ను ఆకస్మికంగా తనిఖీ చేశారు. సీపీ సాయిచైతన్య ఆయకు స్వాగతం పలికారు.
Nizamabad Police Services | స్టేషన్లో రికార్డుల పరిశీలన..
స్టేషన్లోని రికార్డులను నారాయణ నాయక్ క్షుణ్ణంగా పరిశీలించారు. నమోదైన కేసులు వాటి పరిష్కారాలను తెలుసుకున్నారు. సైబర్ క్రైం కేసులపై త్వరితగతిన స్పందించాలని.. స్టేషన్ పరిధిలో సున్నితమైన ప్రాంతాలు ఉన్నందున 24గంటలు పర్యవేక్షణ చేయాలని ఆదేశించారు. ప్రతి పోలీస్ సిబ్బంది ప్రజలకు మెరుగైన సేవలు అందిస్తూ పోలీస్ శాఖ ప్రతిష్ట, గౌరవం మరింత పెరిగే విధంగా అంకితభావంతో విధులు నిర్వహించాలన్నారు.
కేసుల దర్యాప్తును నిర్ణీత సమయంలో పూర్తి చేసి, న్యాయస్థానాల్లో త్వరితగతిన ఛార్జిషీట్లు దాఖలు చేయాలన్నారు. ప్రతి పోలీస్ సిబ్బంది చట్టాలు, నూతన నేర న్యాయ చట్టాలు, పోలీస్ విధివిధానాలు, సాంకేతిక అంశాలపై పూర్తి అవగాహన కలిగి ఉండాలని తెలిపారు. డయల్ 112పై అవగాహన కార్యక్రమాలు నిర్వహించాలని..సిబ్బంది క్రమశిక్షణలో ఉండాలని సూచించారు.
ఇది కూడా చదవండి: సాగర్ లో ఏపీ సొరంగ పనులపై.. 9నెలలు మౌనం.. ఇప్పుడు ఆపుతారంట..!!