అక్షరటుడే, నిజామాబాద్ క్రైం: Nizamabad Crime Records | నగరంలోని (Nizamabad) సీపీ కార్యాలయంలో కేసుల రికార్డులను పక్కాగా రూపొందించాలని సీపీ సాయిచైతన్య(CP Sai Chaitanya) పేర్కొన్నారు. కార్యాలయంలోని సీసీఆర్బీ సెక్షన్ను బుధవారం ఆయన తనిఖీ చేశారు.
Nizamabad Crime Records | నేర గణాంకాలు.. దర్యాప్తు పురోగతి
సీసీఆర్బీ సెక్షన్లో నిర్వహిస్తున్న కేసుల నమోదు, నేర గణాంకాలు , దర్యాప్తు పురోగతి వివరాలను సీపీ తెలుసుకున్నారు. పెండింగ్ కేసులు, కోర్టు కేసులు, పోలీస్ స్టేషన్ల నుంచి అందుతున్న కేసుల వివరాలు, రికార్డుల నిర్వహణ తదితర అంశాలను కమిషనర్ పరిశీలించారు. పోలీస్ స్టేషన్ల వారీగా కేసుల వివరాలను సమీక్షిస్తూ, పెండింగ్లో ఉన్న కేసులను ఎప్పటికప్పుడు పర్యవేక్షించాలన్నారు. కేసులకు సంబంధించిన రికార్డులు, గణాంకాలను ఎలాంటి పొరపాట్లకు తావులేకుండా ఖచ్చితంగా నమోదు చేయాలని సూచించారు.
Nizamabad Crime Records | సమన్వయంతో పనిచేయాలి
నేరాలపై సమగ్ర గణాంకాలను సిద్ధం చేసి, వాటి ఆధారంగా నేర నియంత్రణకు అవసరమైన చర్యలు చేపట్టాలని సీపీ ఆదేశించారు. సీసీఆర్బీ విభాగం, పోలీస్ స్టేషన్ల మధ్య సమన్వయం మరింత మెరుగుపర్చి, కేసుల సమాచారాన్ని ఎప్పటికప్పుడు నవీకరించాలని కమిషనర్ సూచించారు. కేసుల దర్యాప్తు, పురోగతికి సంబంధించిన సమాచారాన్ని ఉన్నతాధికారులకు సకాలంలో అందిస్తూ, పోలీసు శాఖ పనితీరును మరింత సమర్థవంతంగా కొనసాగించేలా సీసీఆర్బీ సిబ్బంది బాధ్యతాయుతంగా విధులు నిర్వహించాలని ఆదేశించారు. అదనపు డీసీపీ (అడ్మిన్) శుభం ప్రకాష్, సీసీఆర్బీ ఏసీపీ గురునాయుడు, సీఐ అంజయ్య, పాండేరావు, ఎస్సై వరప్రసాద్ రెడ్డి సిబ్బంది పాల్గొన్నారు.
ఇది కూడా చదవండి: Harish Rao Surveyors Protest | యువత తిరగబడితే రేవంత్ సర్కార్ మూల్యం చెల్లించుకోక తప్పదు: హరీశ్ రావు
