అక్షరటుడే, భీమ్గల్: Prashanth Reddy Arrest | మాజీ మంత్రి వేముల ప్రశాంత్రెడ్డిని పోలీసులు ముందస్తు అరెస్ట్ చేశారు. పోలీస్స్టేషన్లో ఆత్మహత్యాయత్నానికి పాల్పడి.. చికిత్స పొందుతూ మృతి చెందిన సుధాకర్కు నివాళులు అర్పించేందుకు వస్తున్నారనే సమాచారంతో ఆయనను ముందస్తుగా అదుపులోకి తీసుకున్నారు.
Prashanth Reddy Arrest | పోలీస్స్టేషన్ పరిధిలో..
భీమ్గల్ (Bheemgal) పోలీస్స్టేషన్లో ఆత్మహత్యాయత్నానికి పాల్పడిన పొలాస సుధాకర్ చికిత్స పొందుతూ మంగళవారం మృతి చెందారు. ఈ నేపథ్యంలో సుధాకర్ భౌతికకాయానికి నివాళులర్పించేందుకు బయలుదేరిన బాల్కొండ ఎమ్మెల్యే, మాజీ మంత్రి వేముల ప్రశాంత్రెడ్డిని హైదరాబాద్‌లోని ఆయన నివాసంలో పోలీసులు ముందస్తుగా అరెస్టు చేశారు. సోమవారం భీమ్గల్ పోలీస్స్టేషన్ పరిధిలో సుధాకర్ ఒంటిపై పెట్రోల్ పోసుకుని నిప్పంటించుకున్నారు. తీవ్రంగా గాయపడిన ఆయనను ప్రథమ చికిత్స నిమిత్తం ఆర్మూర్ ఆస్పత్రికి, అక్కడి నుంచి మెరుగైన వైద్యం కోసం ఇతర ఆస్పత్రికి తరలించారు. తీవ్రగాయాలతో ఆయన చనిపోయారు. పోలీసుల వేధింపుల వల్లే సుధాకర్ ఆత్మహత్య చేసుకున్నాడని కుటుంబసభ్యులు ఆరోపిస్తున్నారు. అయితే.. ఈ ఘటనలో పోలీసుల తప్పిదమేనని నిజామాబాద్ సీపీ స్పష్టం చేశారు. సంఘటనపై స్పందించిన మాజీమంత్రి వేముల ప్రశాంత్‌రెడ్డి.. సంబంధిత ఎస్సైపై తక్షణమే చర్యలు తీసుకోవాలని డిమాండ్ చేశారు.
భీమ్గల్ పోలీస్స్టేషన్ ఘటనలో పోల సుధాకర్ మృతి చెందడంతో నిజామాబాద్ జిల్లాలో ఉద్రిక్త పరిస్థితులు నెలకొన్నాయి. మృతుడి కుటుంబానికి న్యాయం చేయాలని బీజేపీ నాయకులు జీజీహెచ్ మార్చురీ వద్ద ఆందోళన చేపట్టారు. దీంతో బీజేపీ జిల్లా అధ్యక్షుడు దినేష్ కులాచారితో పాటు పలువురు నాయకులను పోలీసులు అదుపులోకి తీసుకున్నారు.
మృతుడికి నివాళులర్పించేందుకు వెళ్లాలని నిర్ణయించుకున్న బాల్కొండ ఎమ్మెల్యే ప్రశాంత్‌రెడ్డి నివాసం వద్ద కూడా పోలీసులు మోహరించి, ఆయనను ముందస్తుగా హౌస్ అరెస్ట్ చేశారు.#anchorpavitra
#nizamabad #bhimgal #telangananews #bjp #aksharatoday— Akshara Today | Telugu News (@AksharaToday) October 6, 2026
ఇది కూడా చదవండి: BJP District President Arrested | బీజేపీ జిల్లా అధ్యక్షుడు దినేష్ కులాచారి అరెస్ట్..
