అక్షరటుడే, నిజామాబాద్ క్రైం: Nizamabad CCTV Security | నేరరహిత కమిషనరేట్గా మార్చడానికి కృషి చేస్తున్నామని సీపీ సాయిచైతన్య(CP Saichaitanya) పేర్కొన్నారు. ఈ మేరకు శనివారం ప్రకటన విడుదల చేశారు.
Nizamabad CCTV Security | సీసీ కెమెరాలు ఏర్పాటు చేసుకోవాలి..
గతంలో నేరాలు, చోరీలు జరిగితే నిందితులను పట్టుకోవడం చాలా కష్టంగా ఉండేదని.. ఎప్పుడైతే సీసీ కెమెరాలు ఏర్పాటు చేసుకోవడం ప్రారంభమైందో అప్పటి నుంచి నిందితులను పట్టుకోవడం సులభమైందని సీపీ పేర్కొన్నారు. సినిమా థియేటర్లు, బంగారు దుకాణాలు, వస్త్ర వ్యాపారాలు, గ్యాస్ దుకాణాలు, విద్యాసంస్థలు, కాలేజీలు, యూనివర్సిటీ, అపార్ట్మెంట్లలో సీసీ కెమెరాలు ఏర్పాటు చేసుకుంటున్నారన్నారు. అందుకోసం ప్రతిఒక్కరూ వారి వ్యక్తిగత ఆడంబరాలకు ఉపయోగించే ఖర్చుల్లో కొద్దిపాటి ఖర్చుతో తమ పరిధిలో సీసీ కెమెరాలు ఏర్పాటుచేసుకోవాలని సూచించారు. నేరాలు జరిగిన తర్వాత దొంగలను పట్టుకునేందుకు సీసీ కెమెరాలు ఉపయోగపడతాయన్నారు. ప్రతిఒక్కరూ సీసీ కెమెరాలపై అవగాహన పెంచుకుని ఏర్పాటు చేసుకోవాలని సీపీ సూచించారు.
ఇది కూడా చదవండి: ప్రజలు గతంలో ఎప్పుడూ ఫామ్ నింపలేదు.. – ప్రకాశ్ రాజ్
