అక్షరటుడే, వెబ్డెస్క్ : Telangana Weather | ఉత్తర, తూర్పు, మధ్య తెలంగాణ ( Telangana)లోని జిల్లాల్లో శుక్రవారం మోస్తరు నుంచి భారీ వర్షాలు కురుస్తాయని వాతావరణ శాఖ అధికారులు తెలిపారు. దక్షిణ, పశ్చిమ తెలంగాణలో అక్కడక్కడా మోస్తసు వర్షాలు కురిసే అవకాశం ఉంది. హైదరాబాద్ – మధ్యాహ్నం నుండి రాత్రి వరకు మోస్తసు వర్షం కురిసే అవకాశం ఉంది.
వానాకాలం ప్రారంభం అయి నెల రోజులు కావొస్తున్నా భారీ వర్షాలు పడటం లేదు. జూన్ 8న తెలంగాణలోకి నైరుతి రుతుపవనాలు ప్రవేశించాయి. అనంతరం అవి బలహీనపడ్డాయి. ఆలస్యంగా తెలంగాణ వ్యాప్తంగా విస్తరించాయి. రుతుపవనాల ప్రభావంతో అడపదడపా వర్షాలు కురుస్తున్నాయి. అయితే భారీ వర్షాలు లేకపోవడంతో అన్నదాతలు ఆందోళన చెందుతున్నారు.
Telangana Weather | సాగుపై ప్రభావం
ప్రస్తుతం కురుస్తున్న వర్షాలతో బోరుబావుల కింద వరినాట్లు ప్రారంభం అయ్యాయి. అయితే ఎల్నినో ప్రభావంతో ఈ ఏడాది వర్షాలు తక్కువగా కురుస్తాయని వాతావరణ శాఖ అధికారులు తెలిపారు. జూన్ ముగింపునకు వచ్చినా ఇప్పటికి.. భారీ వర్షాలు పడలేదు. దీంతో రైతులు ఆందోళన చెందుతున్నారు. ఈ సారి వర్షాలు పడకపోతే వరి సాగుపై తీవ్ర ప్రభావం పడే అవకాశం ఉంది.
ఇది కూడా చదవండి..: Podu Farmers Protest | ఫారెస్ట్ అధికారులను అడ్డుకున్న పోడు రైతులు
