అక్షరటుడే, వెబ్డెస్క్: Thermal Power Plant | రాష్ట్రంలో థర్మల్ విద్యుత్ కేంద్రాల సందర్శనకు పిలుపునిచ్చిన విషయం తెలిసిందే. పవర్ ప్లాంట్ల వద్దకు వెళ్లిన గులాబీ శ్రేణులను పోలీసులు అడ్డుకోవడంతో ఉద్రిక్తత నెలకొంది.
రాష్ట్రంలో విద్యుత్ కోతలకు నిరసనగా తమ పార్టీ బృందాలు పవర్ ప్లాంట్లను సందర్శిస్తాయని కేటీఆర్ (KTR) బుధవారం తెలిపారు. ఈ మేరకు గురువారం ఉదయం భద్రాద్రి థర్మల్ పవర్ ప్లాంట్ సందర్శనకు వెళ్లిన బీఆర్ఎస్ బృందాన్ని అడ్డుకుని, లోపలకి వెళ్లకుండా పోలీసులు ఆపారు. దీంతో పవర్ ప్లాంట్ ఎదుట మాజీ మంత్రి పువ్వాడ అజయ్ కుమార్, ఇతర బీఆర్ఎస్ నాయకులు ఆందోళ చేశారు. ఈ క్రమంలో అక్కడ ఉద్రిక్తత చోటు చేసుకుంది.
Thermal Power Plant | యాదాద్రి పవర్ ప్లాంట్ వద్ద..
యాదాద్రి పవర్ ప్లాంట్ వద్దకు వెళ్లిన మాజీ మంత్రి జగదీష్ రెడ్డి, బీఆర్ఎస్ నాయకుల బృందాన్ని పోలీసులు అడ్డుకున్నారు. దీంతో పోలీసులకు బీఆర్ఎస్ శ్రేణులకు మధ్య వాగ్వాదం చోటు చేసుకుంది. మరోవైపు లక్డీకాపుల్ వద్ద ఉన్న సింగరేణి హెడ్ ఆఫీస్ను సైతం సందర్శిస్తామని బీఆర్ఎస్ నాయకులు పేర్కొన్నారు. దీంతో అక్కడ భారీగా పోలీసులు మోహరించారు. సింగరేణిలో జరుగుతున్న అక్రమాలపై నిజాలను తెలుసుకునేందుకు, హెడ్ ఆఫీసును మాజీ మంత్రి కొప్పుల ఈశ్వర్, ఎమ్మెల్యే కేపీ వివేకానంద ఇతర బీఆర్ఎస్ నాయకులు సందర్శించడానికి వస్తామన్నారు.
ఇది కూడా చదవండి..: Danam Nagender | సుప్రీంకోర్టులోనూ దానం నాగేందర్కు చుక్కెదురు..
