అక్షరటుడే, మెండోరా: Ward Member Disqualification | నిజామాబాద్ జిల్లా పోచంపాడ్ జీపీలో వరుసగా మూడు సాధారణ సమావేశాలకు గైర్హాజరైన 11వ వార్డు సభ్యుడు అల్ల భాస్కర్కు నోటీసు జారీ అయింది. ఈ మేరకు జిల్లా పంచాయతీ అధికారి (Nizamabad) సోమవారం ఉత్తర్వులిచ్చారు.
Ward Member Disqualification | తెలంగాణ పంచాయతీరాజ్ చట్టం–2018..
తెలంగాణ పంచాయతీరాజ్ చట్టం–2018లోని నిబంధనల ప్రకారం ఈ నోటీసులు జారీ చేసినట్లు ఉత్తర్వుల్లో పేర్కొన్నారు. 2026 జులై 3, ఆగస్టు 3, సెప్టెంబర్ 2 తేదీల్లో నిర్వహించిన గ్రామపంచాయతీ సాధారణ సమావేశాలకు ఆయన హాజరుకాలేదని నోటీసులో వివరించారు.
సమావేశాల ఎజెండా నోటీసులను జులై 1, జులై 31, ఆగస్టు 29 తేదీల్లో జారీ చేయగా.. సమావేశాలు వరుసగా జులై 3, ఆగస్టు 3, సెప్టెంబర్ 2 తేదీల్లో నిర్వహించినట్లు పేర్కొన్నారు. తెలంగాణ పంచాయతీరాజ్ చట్టం–2018లోని సెక్షన్ 25(డి), సెక్షన్ 27(1) నిబంధనల ప్రకారం ఈ చర్యలు చేపట్టినట్లు ఉత్తర్వుల్లో స్పష్టం చేశారు.
ఇది కూడా చదవండి: ఆక్వాన్ తుపాన్ పేరును..పెట్టిన దేశం ఏదో తెలుసా..?