అక్షరటుడే, ఇందూరు: Induru Development Funds | నిజామాబాద్ అర్బన్ నియోజకవర్గ అభివృద్ధికి సహకరించి నిధులు మంజూరు చేయాలని అర్బన్ ఎమ్మెల్యే ధన్పాల్ సూర్యనారాయణ (MLA Dhannpal Suryanarayana) కోరారు. అసెంబ్లీలో బుధవారం సీఎం రేవంత్ రెడ్డిని (CM revanth reddy) కలిసి వినతిపత్రం అందజేశారు.
Induru Development Funds | రూ.200 కోట్లు ఇవ్వాలి
ఎమ్మెల్యే మాట్లాడుతూ.. నగర అభివృద్ధి కోసం స్పెషల్ ఫండ్ రూ. 200 కోట్లు ఇవ్వాలన్నారు. అలాగే యంగ్ ఇండియా ఇంటిగ్రేటెడ్ స్కూల్, తెలంగాణ విశ్వవిద్యాలయంలో ఫార్మసీ కళాశాల మంజూరు చేయాలని కోరారు. నగరంలో ట్రాఫిక్ సమస్యను దృష్టి పెట్టుకొని ఔటర్ రింగ్ రోడ్లను మంజూరు చేయాలన్నారు. ప్రధానంగా ఇందూరులో మాస్టర్ ప్లాన్ అమలు చేయాలని, కళాభారతి పెండింగ్ బిల్లులు మంజూరు చేయాలన్నారు. రాజారాం స్టేడియం ఆధునికీకరణతో పాటు పాత కలెక్టరేట్ మైదానంలో సింథటిక్ ట్రాక్తో కూడిన స్టేడియం, అలాగే ఇండోర్ స్టేడియం మంజూరు చేయాలని కోరారు. రాష్ట్రంలో ఎంతో ప్రతిష్టాత్మకమైన ఇందూరు ఖిల్లా రామాలయం అభివృద్ధితో పాటు రెవెన్యూ శాఖ నుంచి దేవాదాయ శాఖకు బదిలీ చేయాలన్నారు. జిల్లా జనరల్ ఆస్పత్రిలో మరమ్మతులు, మౌలిక సౌకర్యాలకు నిధులు విడుదల చేయాలని, వైద్యులు సిబ్బంది కొరత లేకుండా చూడాలని కోరారు.
ఇది కూడా చదవండి: దేవుళ్లను కూడ వదలడంలేదు.. దొంగలు చివరికి దేవుళ్లను సైతం
