అక్షరటుడే, నిజామాబాద్ క్రైం: Transformer Coil Theft | నిజామాబాద్(nizamabad), కామారెడ్డి(Kamareddy), మెదక్(Medak) జిల్లాలలో ఏకంగా 64 ట్రాన్స్ఫార్మర్లను ధ్వంసం చేసిన దొంగలను పోలీసులు అదుపులోకి తీసుకున్నారు. ఈ మేరకు జిల్లా పోలీస్ కార్యాలయంలో శుక్రవారం సీపీ సాయిచైతన్య(CP Sai Chaitanya) వివరాలు వెల్లడించారు.
Transformer Coil Theft | రెంజల్ మండలంలో..
సీపీ తెలిపిన వివరాల ప్రకారం.. రెంజల్ పీఎస్(Renjal) పరిధిలో ఎస్సై తన సిబ్బందితో సాఠాపూర్ బైపాస్ వద్ద తనిఖీలు చేస్తుండగా ఐదుగురు వ్యక్తులు అనుమానాస్పదంగా కనిపించారు. మూడు బైక్లపై వెళ్తున్న వీరివద్ద గన్నీ బ్యాగ్లో ట్రాన్స్ఫార్మర్ కాయిల్స్ (Transformer Coil) బయటపడ్డాయి. దీంతో వారిని పట్టుకుని విచారించగా తాము చేసిన 64 ట్రాన్స్ఫార్మర్ల కాయిల్స్ చోరీల గుట్టు విప్పారు.
Transformer Coil Theft | మెదక్, బోధన్ ప్రాంతాలకు చెందిన వ్యక్తులు..
మెదక్, బోధన్కు చెందిన ఈ వ్యక్తులు ఒక గ్యాంగ్గా ఏర్పడి 64 ట్రాన్స్ఫార్మర్లను డ్యామేజ్ చేసి కాపర్ కాల్స్ చోరీ చేశారు. నిజామాబాద్ జిల్లాలోని నిజామాబాద్, రెంజల్, బోధన్ రూరల్, బోధన్ టౌన్, వర్ని, కోటగిరి, నిజామాబాద్ రూరల్, మోపాల్, డిచ్పల్లి, జక్రాన్పల్లి, ఇందల్వాయి ప్రాంతాల్లో 38 ట్రాన్స్ఫార్మర్ల కాయిల్స్ను చోరీ చేశారు. అలాగే కామారెడ్డి జిల్లాలో కామరెడ్డి, బాన్సువాడ, పిట్లం, మద్నూర్, భిక్కనూరు, ఎల్లారెడ్డి, నాగిరెడ్డిపేట్, పెద్ద కొడప్గల్ ఏరియాల్లో మొత్తం 20 ట్రాన్స్ఫార్మర్లను ధ్వంసం చేశారు.
Transformer Coil Theft | మెదక్ జిల్లాలో..
మెదక్ జిల్లాలో మెదక్ రూరల్, చేగుంట, వెల్దుర్తి ఏరియాల్లో 4 ట్రాన్స్ఫార్మర్లను వీరు ధ్వంసం చేసి కాయిల్స్ని ఎత్తుకెళ్లారు. సిద్దిపేట జిల్లాలో రెండింటిని ధ్వంసం చేశారు. ఇలా నాలుగైదు జిల్లాలలో చోరీ చేసిన కాయిల్స్ను సయ్యద్ అక్బర్ హుస్సేన్, షేక్ మహబూబ్, మాలప్ప మాస్టర్, తాయప్ప దంగల్ అనే వ్యక్తుకు చెందిన స్క్రాప్ దుకాణాల్లో అమ్మేసి సొమ్ము చేసుకున్నారు. ముఠాలో సభ్యులైన వనం సాయిలు, జగన్నాథం, వనం పోశెట్టి, ధనశ్రీ కిరణ్, దాసరి పోచయ్య, ఇద్దరు వ్యాపారస్తులను అదుపులోకి తీసుకున్న పోలీసులు విచారణ చేస్తున్నారు. మరో ఇద్దరు పరారీలో ఉన్నారు.
అధికారులు, సిబ్బందికి ప్రశంసలు..
నిందితుల వద్ద నుంచి 80 కేజీల రాగి కాయిల్స్, మూడు బైక్లు, నాలుగు ఫోన్లు స్వాధీనం చేసుకున్నారు. కేసు ఛేదనలో కృషి చేసిన బోధన్ ఏసీపీ శ్రీనివాస్, ట్రాఫిక్ ఏసీపీ మస్తాన్ అలీ, సీసీఎస్ ఇన్స్పెక్టర్ సాయినాథ్, రెంజల్ ఎస్సై చంద్రమెహన్, బోధన్ రూరల్ ఎస్సై మచ్ఛేందర్రెడ్డి, సీసీఎస్ ఎస్సై విఠల్, సీసీఎస్ హెడ్కానిస్టేబుల్ వెంకట్రామ్, హెచ్పీఎల్ రవి, విశాల్, కృష్ణలను సీపీ ప్రత్యేకంగా అభినందించారు.
Transformer Theft, Copper Coil Theft, Telangana Crime, Nizamabad Police, Kamareddy News, Medak Crime, Theft Gang Arrest, Transformer Damage
